C’èst l’dérin dès doze mwès d’l’anéye.I nos arive à grandès-ascauchîyes, tot nos-anonçant li frèd èt lès djoûs lès pus coûts.
Do timps qui l’nature va s’fé rovî, nos fièstéyerans one fameûse rigléye di sints.
Nos c’minç’rans pa Sint-Elwè, patron d’Ciney èt dès djins qui boutenut dins l’fiêr. Li 4, totfièstant Sinte-bâbe, patrone dès carioteûs, dès pompiers, dès ouyeûs et dès scayetons, nos mouss’rans dins lès Avents: one période di quate samwin. Nes mèteuwe su pîd pa l’èglîje po aprèster Noyé.
Sint-Nicolè sîrè; C’èst l’patron dè l’Russîye, dès marins, dès botchîs, dès nwârès cotes, dès-éducateûrs èt dès-infermières, sins rovî tos lès p’tits-èfants qui sont todi bin sâjes.
Lès mouchîs ni roviyeront nin Sint-Ambrâse èt lès bolèdjîs Sint-Aubert.
Li 21, au « soltice » d’iviêr, nos c’minç’rans lès » doze djoûs »,one fwârt vîye usance crétiyin. Ne qui vint do mariadje inte lès calendriers lunaîre èt solaîre. Si on r’waîte bin l’timps di cès doze djoûs-là, on z-a l’timps qui f’rè su lès doze mwès d’l’anéye.
Adon, totes lès familes vik’ront Noyé pa d’zos lès rodjès boles do grète-cu èt pa-d’vant l’sapin riglatichant, tot l’monde ritrov’rè on keûr d’èfant.
Ecrit par Charles Massaux
